Varşava Böyük Teatrında Çinarə Əlizadənin iştirakı ilə “Qu gölü” baleti oynanılacaq

Varşava Böyük Teatrında Çinarə Əlizadənin iştirakı ilə “Qu gölü” baleti oynanılacaq

12.09.2018, 01:44 | 6 dəfə oxunulub. 12 14 16 18
Sentyabrın 21-dən 27-dək Varşava Böyük Teatrı və Milli Operasında (Teatr Wielki – Opera Narodowa) P.Çaykovskinin “Qu gölü” baleti nümayiş etdiriləcək.
Qafqaznedia.az teatrın saytına istinadla xəbər verir ki, sentyabrın 21-də və 25-də səhnə əsərində Odetta obrazını Azərbaycanın Əməkdar artisti Çinarə Əlizadə ifa edəcək. O, sentyabrın 23-də və 27-də isə Matilda rolunda çıxış edəcək.
Çinarə Əlizadə Moskvada doğulub. O, Natalya Nestereva Yeni Humanitar Universitetinin Rəqs Akademiyasında və Moskva Dövlət Xoreoqrafiya Akademiyasında təhsil alıb. Çinarə Əlizadə A.Adanın “Jizel”, L.Minkusun “Bayaderka”, “Don Kixot”, P.Çaykovskinin “Şelkunçik”, “Yatmış gözəl”, S.Prokofyevin “Zoluşka”, D.Şostakoviçin “Qızıl əsr” və digər səhnə əsərlərində yaddaqalan obrazlar yaradıb. O, 2016-cı ildən Polşa Milli Baletinin birinci solistidir.


Xəbəri dərc etdi: Azadə Hüseynova
Rəy yazın